Никола Јокиќ, Лука Дончиќ и Јанис Адетокунбо продолжија да се истакнуваат и донесоа нови победи на своите тимови.
Денвер го совлада Голден Стејт со резултат 134:117 благодарение на маестралниот Јокиќ. Српскиот центар го заврши мечот со 22 поени со 14 скока и 16 асистенции, а тоа беше негов осми трипл-дабл учинок во последните десет меча, а 17-ти во сезоната.
Далас го победи Њу Орлеанс со резултат 111:106, а Дончиќ го предводеше својот тим со 31 поен и 8 скока.
Сепак, она што ги загрижува навивачите на Далас е тоа што Дончиќ се повреди во третата четвртина и мораше да го напушти теренот. Се работи за повреда на стапалото, а ќе видиме до кога ќе мора да паузира одличниот Словенец.
Адетокунбо имаше најдобар индивидуален учинок, кој постигна 54 поени и 19 скока во победата на Милвоки над ЛА Клиперс од 106:105.
На другите средби беа постигнати следниве резултати:
Индијана - ЛА Лејкерс 111:112
Кливленд - Мемфис 123:113
Њујорк - Мајами 106:104
Чикаго - Шарлот 114:98.