Во воведниот натпревар од 13. коло на македонската Прва лига, Вардар со 2:0 го совлада тимот на Академија Пандев.
Откако првото полувреме на сончевото, но ладно Скопје заврпи без голови, „Црвено-црните“ го отворија резултатот преку Цветановски осум минути по паузата.
Гостите од Струмица промашија колосална шанса да го израмнат резултатот кога имаа удар од белата точка во . минута кога Милован Петровиќ го фаулираше Даниел Миловановиќ. сепак, голманот Филип Илиќ одлично ја прочита намерата на Ѓорѓи Стоилов.
Потоа во 75. минута гостите останаа со играч помлаку откако поради втор жолт картон Бојан Димоски мораше предвреме да го напушти теренот.
На шест минути до крајот Петковски со глава ја запечати победата за Вардар.
Национална арена „Тоше Проески“ во Скопје
Вардар - Академија Пандев 2:0 (0:0)
Стрелци: 53' Матеј Цветановски, 84' Филип Петковски
Судија: Крумислав Ѓоргиев (Штип)
Ова е петти триумф за Вардар сезонава и втор во низа, со кој сега има 19 бодови и е на делба на 4. место со Струга и Борец, барем до утре. Академија Пандев го запиша деветтиот пораз и ризукува да падне во зоната за испаѓање доколку утре победи слават Ренова или Беласица.
Останатите пет натпревари од ова коло се играта утре, сите со почеток во 13 часот.