Жителите на Окленд, Нов Зеланд се повторно во строг карантин откако по 102 дена се забележани четири нови случаи на заразени со коронавирусот.
Новите четири случаи се членови на едно семејство, но премиерката Џасинда Ардерн сепак одлучи да воведе строг карантин. Цел свет завидува на начинот на кој Нов Зеланд се носат со пандемијата на коронавирус, а брзата реакција на премиерката и покрај периодот од 102 дена без ниту еден случај е доказ на сериозноста на оваа нација во борбата против смртоносната зараза.
Карантинот во Окленд почнува во среда попладне, а остатокот од земјата ќе биде на второ ниво на карантин.
Следењето на контакти веќе е почнато на неколку работни места ширум Нов Зеланд, а блиските контакти на заразени луѓе се контактирани и наредено им е да одат во самоизолација.
Ардерн е загрижена поради потеклото на вирусот, бидејќи семејството нема контакти со патници надвор од земјата, ниту со хотелскиот карантин. Меѓу новозаразените се маж, жена и малолетник.
Ардерн го врати Окленд на трето ниво на карантин за да го спречи ширењето на вирусот. Сите се должни да останат дома освен ако не станува збор за посебни работници. Сите барови, ресторани и јавни сервиси мора да бидат затворени до среда попладне. Забрането е собирање на повеќе од десет луѓе. Задолжително е носењето на заштитни маски.
Ако следењето контакти и тестирањето не резултираат со пронаоѓање на изворот на зараза, карантинот би можел да биде продолжен.