Благодарение на нова апликација, Австралијците отсега ќе можат да си ја најдат сродната душа која има исти фитнес и прехранбени навики.
Во Австралија е лансирана апликацијата Fitafy, која се фокусира на здравјето и фитнесот и ги спојува луѓето кои имаат заеднички интереси по овие две работи.
Штом еднаш двете личности кликнат „Да“, добиваат известување дека си одговараат и можат да си го закажат првиот состанок. Корисниците можат да си побараат партнер користејќи филтри како што се трчање, кросфит, дигање тегови и слично, како и според навиките во исхраната.
Заслужен за развој на апликацијата е Брендан Мекормак кој призна дека луѓето постојано барале совети преку социјалните мрежи, како да запознаат други фитнес ентузијасти.
Апликацијата месецов стана достапна на подрачјето на Австралија, а во текот на 2021 година ќе биде достапна за сите земји.