Осум натпревари се одиграа ноќеска во најдобрата кошаркарска лига на светот, а за издвојување е новата победа на Јута Џез, како и изненадувањето во Сан Антонио.
Лидерот на Западната конференција, Јута Џез, гостуваше кај Чикаго Булс и уште на полувреме имаше голема предност од 14 поени разлика (42:56).
По паузата Јута само мирно го доигра натпреварот забележувајќи рутинска победа од 95:120. Најефикасен на паркетот беше гостинскиот играч Донован Мичел кој уфрли 30 поени, додека втор беше домаќинот Зак ЛаВин со 27 поени. Единствен кој успеа да запише дабл-дабл беше Французинот Руди Гобер со 21 поен и 10 скокови.
Јута со скор од 31-11 не само што води на Западот, туку и општо сеознава е најдобар тим.
Шарлот Хорнетс го изненади Сан Антонио Спарс на гостински терен во „АТ&Т Сентр“ победувајќи со тесни три разлика. Гостите беа убедливи во првата четвртина кога и ја одбработија победата добивајќи ја со 10 разлика.
Предводени од Гордон Хејвард со 27 поени и Тери Розие со 24, како и дабдл-даблот на Вашингтон ПиЏеј од 10 поени и 13 скокови, ја засенија ефикасноста на домашниот играч ДеМар ДеРозан кој беше лидер со 28 поени.
Резултати:
Кливленд Кавлаирс - Сакраменто Кингс 105:119
Минесота Тимбервулвс - Оклахома Сити Тандер 103:112
Сан Антонио Спарс - Шарлот Хорнетс 97:100
Чикаго Булс - Јута Џез 95:120
Хјустон Рокитс - Торонто Репторс 117:99
Мемфис Гризлис - Бостон Селтикс 132:126 прод.
Милвоки Бакс - Индијана Пејсерс 140:113
Лос Анџелес Клиперс - Атланта Хокс 119:110
