Британско-француската компанија за клиничка дијагностика Novacyt започна производство на тест којшто го разликува коронавирусот од обичниот грип.
Имено, тестот Winterplex препознава два гена специфични за COVID-19, како и гени кои детектираат грип од типот А и Б и респираторниот вирус РСВ.
– Веруваме дека Winterplex е првиот одобрен тест што го разликува COVID-19 од вообичаените респираторни заболувања, рече директорот на Novacyt, Грем Малис.
Новиот тест е еден од многуте производи од ПЦР тип кои се веќе на пазарот. ПЦР е главниот метод на тестирање во многу земји. Тој ја открива болеста со множење на генетскиот материјал до точката кога научниците можат да го детектираат вирусот.