Со години наназад компанијата Apple во средина на септември ги претставува новите модели. Меѓутоа, со оглед на пандемијата на коронавирусот можно е претставувањето да биде одложено.
Новите шпекулации кои се појавија на Twitter тврдат дека најновите модели ќе бидат претставени на 8 септември.
Според овие неофицијални информации откриваме дека Apple во октомври ќе одржи уште еден важен настан на кој ќе го претстави најновиот модел на MacBook.
Иако сè уште нема официјална потврда, се шпекулира дека претставувањето на новите модели ќе биде онлајн.
Најверојатно ќе бидат претставени 4 нови модели и тоа iPhone 12, iPhone 12 Pro, iPhone 12 Pro Max и iPhone 12 Max.
Се очекува дека новите модели ќе имаат големи промени на дизајнот. Познати се малку детали за новата серија: познато е дека сите уреди ќе поддржуваат 5G мрежа; iPhone 12 ќе има 5,4-инчен екран, iPhone 12 Max и iPhone 12 Pro 6,1-инчен екран, а најголем екран ќе има iPhone 12 Pro Max - 6,7 инчи.