Можеби српскиот фудбал не е во светскиот фокус, но ова новинарско известување за натпревар од Купот на Србија ќе остане запаметено.
Фудбалерите на Војводина се пласираа во четвртфиналето од Купот на Србија по победата над Младост откако се покажаа подобри во изведувањето пенали, а за веста да стане хит на денот се погрижи водителка на Радиотелевизија Војводина.
Водителката при читањето на извештајот од натпреварот истакна дека мечот се одигра пред „публика од милион гледачи“, а поголемиот гаф на сезоната беше дека Војводина победила со резултат од „пет запирка четири“.
Грешките и гафовите се составен дел од работата, а после долго отсуство на фудбалот, вредеше и малку да се насмееме.
