Реновирањето на стадионот „Сантјаго Бернабеу“ сѐ уште е во тек, а сѐ уште и не се знае кога ќе биде завршено. Она што е познато е фактот дека стадионот ќе изгледа спектакуларно.
Во моментов стадионот на Тотенхем е најскапиот во светот и неговата цена надмина милијарда евра. Но, тој ќе биде престигнат од „Сантјаго Бернабеу“ кога ќе заврши неговата реконструкција.
Од Мадрид пристигну видео на ESPN кое покажува како ќе изгледа „Сантјаго Бернабеу“ по завршувањето на работите. Она што е многу важно да се нагласи е дека покрај фудбалските обврски на славниот Реал Мадрид стадионот ќе биде домаќин и на натпревари во тенис, кошарка и американски фудбал.
Така, на „Бернабеу“ ќе гледаме спектакли со најдобрите светски тенисери, некои натпревари од НБА лигата и веројатно од НФЛ.
Marca наведе дека изградбата треба да трае уште една година и дека отворањето треба да биде во јуни следната година. Има уште многу работи кои треба да се завршат, а фокусот е на движењето на тревата.
Станува збор за подлога која се наоѓа на подвижна лента и на неа се менуваат и монтираат терени за фудбал, кошарка и тенис.
