Големо истражување во САД, за можните несакани ефекти од вакцините против коронавирусот, покажа дека нема поврзаност меѓу две приемни дози и забележани смртни случаи по вакцинација.
Центарот за контрола и превенција на болести (CDC) наведе дека по примена Pfizer вакцина пријавени се 92% благи нуспојави. Околу 4.500 луѓе во САД починале по вакцинација, ова се истражувало во период до јуни, 2021 година, пренесе BBC.
Не се откриени какви било податоци кои укажуваат на тоа дека смртните случаи биле поврзани со вакцината.
Доктор Том Шимабукуро, автор на истражувањето, изјави дека реакциите на вакцината најчесто се благи и се чувствуваат до два дена, па се повлекуваат. Истражувачите анализирале нуспојави настанати по 300 милиони дози вакцини дадени во САД, во период меѓу декември, 2020 и јуни, 2021 година.
Населението, докторите и фармацевтските компании можат да пријават нуспојави со помош на системот VAERS, кој го водат CDC и Американската агенција за храна и лекови. Постои и друга метода наречена V-safe преку која луѓето од мобилен можат да пополнат анкета неколку месеци по вакцината.
Според податоците на VAERS, CDC забележа повеќе од 340.000 нуспојави, а 92% од нив се карактеризирани како благи. Најчести реакции на вакцината биле главоболка, температура и умор. Забележани се 220.000 посериозни нуспојави, а кои главно се однесувале на губење здив.
