Кошаркарите на Далас Маверикс го победија Мајами Хит со 115:90 на свој терен, а ново шоу приреди Словенецот Лука Дончиќ.
Далас играше подобро од почетокот на натпреварот, особено во одбраната, па создаде голема предност по првата четвртина. Сепак, додека се замина на пауза Мајами донекаде се опорави, па првото полувреме заврши со 60:51 за Маверикс.
Идентично како и на почетокот, така беше и на во второто полувреме, во кое Далас целосно ги уништи гостите и го реши прашањето за победникот. До крајот на натпреварот само одржуваа голема предност за уште една важна победа.
Маверикс до победата ги предводеше брилијантниот Лука Дончиќ, кој оствари нов дабл-дабл учинок. На крајот постигна 34 поени, имаше 12 скока и 7 асистенции.
При еден напад беше испровоциран и од судиите кои му досудија носена топка, што го налути Словенецот. Но, тој го задржа бесот за себе и веќе во следниот напад постигна тројка, по што нешто промрморе и со рацете покажа знак за носена топка исмевајќи ги судиите.
Имаше уште неколку потези за паметење, од кои највпечатлив беше кога по дриблинг низ нозе му додаде на соиграчот Дориан Фини-Смит, кој промаши отворена тројка.
Помош имаше од Динвиди кој постигна 19 поени, додека Оладипо имаше 20 поени за тимот на Мајами.
Далас е на петтото место во Западната конференција со 25 победи и 22 пораза, додека Мајами е на седмата позиција на Истокот со ист сооднос 25-22.
Резултати:
Орландо Меџик - Њу Орлеанс Пеликанс 123:110
Атланта Хокс - Њујорк Никс 139:124
Кливленд Кавалирс - Голден Стејт Вориорс 114:120
Далас Маверикс - Мајами Хит 115:90
Сан Антонио Спарс - Лос Анџелес Клиперс 126:131
Денвер Нагетс - Индијана Пејсерс 134:111
Јута Џез - Бруклин Нетс 106:117
Лос Анџелес Лејкерс - Мемфис Гризлис 122:121
Сакраменто Кингс - Оклахома Сити Тандер 118:113
Табела:
