Дали поранешниот претседател на САД знае што навистина се случува во Областа 51, американската воена база во која многумина се сомневаат дека се прават истражувања на НЛО и „суштества“ од вселената?
Поранешниот американски претседател Барак Обама гостуваше преку видео-врска во емисијата „The Late Show“ и на прашањето дали постојат вонземјани одговори дека овие информации не може да ги сподели со јавноста.
Иако не ги откри деталите, Обама рече дека кога станал претседател ги прашал дали навистина постои тајна лабораторија која крие информации за вонземјани.
- Кога дојдов во канцеларијата, прашав дали таму некаде постои лабораторија во која чуваме информации и примероци од вонземјани и вселенски бродови. Тие истражуваа и одговорот беше „не“, но точно е, сериозен сум, дека има снимки и записи за неидентификувани објекти на небото. Не можеме да објасниме како се движат, која е целта на нивното патување, вели Барак Обама.
Тој додаде дека има луѓе кои навистина се грижат за овие појави, но тој не може да каже ништо повеќе за оваа тема.
Погледнете го видеото: