Откако Арсенал ја пропушти и последната шанса да освои трофеј сезонава по испаѓањето од Лига Европа, напаѓачот јавно им се извини навивачите за новото разочарување кое тој и соиграчите им го приредија.
Репрезентативецот на Габон признава дека „Топчиите“ едноставно не направиле доволно за да го победат Виљареал и да стигнат до големото финале.
Арсена загуби со 2:1 на гости на првиот натпревар, тој еден гол им влеа надеж, но на реваншот во Лондон заринка и одигра без голови. Така, отиде во неповрат финалето, натпревар кој можеше да ја спаси сезоната ако се знае дека победникот од Лига Европа обезбедува место во Лигата на шампиони наредната сезона.
„Се мачевме да го пронајдеме нашиот ритам во првото полувреме и не му направивме доволно проблеми на Виљареал. А, кога ќе дојдевме до шанса, едноставно среќата не беше на наша страна, кога ја погодив пречката со волеј и оној обид со глава во второто полувреме“, пишува Пјер-Емерик Обамејанг во меч-порограмата за денешниот натпревар против Вест Бром.
„Мислам дека во вториот дел почнавме со далеку поголема енергичност и им направивме притисок, но едноставно не можевме на тој начин да играме цело време и конечно, не најдовме решение за Виљареал“.
Поради очајните резултати Арсенал наредната сезона нема да игра во ниту една од трите европски лиги. „“ се 10-ти со 49 бодови, 7 помалку од Тотенхем кој го држи последното место кое води во новото натпреварување на УЕФА, Европа конференциската лига, и теоретски има шанси да го достигне, но реални такво нешто е тешко остварливо.
„Оваа сезона беше многу тешка за навивачите и ние очајно сакавме да ви дадеме нешто позитивно - многу ми е жал што не го направивме тоа за вас“, заврши Обамејанг.