Првиот тизер за продолжението на серијата Sex and the City со назив „And Just Like That“ е објавен во склоп на најавата на нови содржини кои пристигнуваат на HBO.
Претставени се првите снимки од сериите „And Just Like That“, „Euphorie“ и „Insecure“, „Curb Your Enthusiasm“, како и од филмовите „Dune“ и „The Matrix Resurrections“.
Тизерот трае околу 24 секунди и ги прикажува Кери, Миранда и Шарлот во нивните вообичаени гламурозни модни изданија.
Во јануари HBO најави дека продолжува приказната на серијата, а дејството ќе ги следи животите на Кери, Миранда и Шарлот додека нивните судбини се преплеткани низ комплицираниот љубовен живот, пријателството и секојдневието.
Главната разлика во однос на претходното издание е отсуството на Ким Катрал којашто го толкуваше ликот на Саманта Џонс, откако јавно изјави дека заврши со тој проект.