Објавен е првиот трејлер за научно-фантастичниот филм „Cosmic Sin“, со Брус Вилис во главната улога.
Дејството се одвива во 2524 година и се фокусира на тимот што Вилис го води со задача за уништување на вонземски сили кои ги заразуваат луѓето и ги користат како домаќини, додека ја колонизираат планетата.
Воената операција е наречена „Cosmic Sin“, а Вилис и неговиот тим имаат тешка задача да го спасат човештвото.
Премиерата е закажана за 12 март 2021 година во киносалите и по барање, на дигитални платформи.
Покрај Брус Вилис ќе ги видиме Френк Грило, Брендон Томас Ли, Пери Ривс, Кори Ларџ и други. Филмот е во режија на Едвард Дрејк.