Пристигна првиот трејлер за претстојната популарна фудбалска игрица.
FIFA 23 ќе претставува крај на една ера поради прекин на соработката помеѓу ФИФА и EA Sports.
Соработката помеѓу EA Sports и Меѓународната федерација на фудбалски асоцијации траеше 30 години. Сепак, поради високите трошоци за лиценцирање, FIFA 23 ќе биде последната игра направена во нивната соработка. Ова е секако голема штета за љубителите на овој наслов, бидејќи во последните години оваа игра го достигна својот врв, а EA Sports во голема мера ја подобри играта.
EA ќе продолжи да ја објавува својата фудбалска игра секоја година, но под ребрендираниот наслов EA Sports FC. Сите функции ќе бидат таму, само под друго име и без лиценци. Сепак, дотогаш, да видиме што нè чека во најновата FIFA игрица која ќе излезе на 30 септември 2022 година и која е веќе достапен за нарачки однапред.
Технологијата Hypermotion, која ја краси играта FIFA 22, оваа година се подобрува под името Hypermotion 2. Новина е што во FIFA 23 ќе бидат вклучени и женски фудбалски тимови, а во рамките на турнирот ќе може да се изберат меѓународни турнири меѓу мажи и жени, додека функциите за вкрстена игра се достапни на повеќе начини - корисниците на конзолите од серијата PS5 и Xbox, како и играчите за компјутери, ќе можат да играат меѓу себе, исто како играчите на PS4 и Xbox One.
Компанијата соопшти дека FIFA 23, благодарение на технологијата Hypermotion 2, „ги поместува границите на реалноста“, користејќи „милиони податоци“ за да создаде „нови анимации во реално време“. Во однос на играта, тоа значи дека гејмерите ќе го добијат „најприродното и најреално движење на играчот и топката“. Технологијата Hypermotion 2 ќе биде достапна само на компјутерите и конзолите од новата генерација.
Играчите ќе можат да го доживеат врвот на меѓународниот спорт, бидејќи EA Sports го носи Светското првенство на ФИФА во Катар и Светското првенство на ФИФА за жени во Австралија и Нов Зеланд како DLC по лансирањето - без дополнителни трошоци.
