Џулиан Де Силва, пластичен хирург од Лондон, го искористи златниот пресек за да ги открие 10-те најубави супермодели во светот.
Златниот пресек (golden ratio) е древен хеленски пресметковен метод кој се користи за одредување на физичкото совршенство на една личност. Колку лицето е поблиску до соодносот 1:1,618, толку личноста е „посовршена“. Се мери должината и ширината на лицето на една личност, а потоа се споделуваат резултатите.
За време на периодот на ренесансата, уметниците и архитектите ја користеле оваа равенка, позната и како Фи. Благодарение на неа, тие ги создадоле своите ремек-дела.
Првото место го зазеде Кејт Мос со резултат од 94,14%. Нејзините очи, веѓи, вилица и обликот на лицето се најблиску до идејата за совршенство на старите Хелени, пишува Daily Mail.
На второ место е Синди Крафорд со оценка од 93,87%. Следува Жизел Бундшен со 93,11%.
На листата се и Џурдан Дан (91,39%), Вини Харлоу (91,03%), Кендал Џенер (91%), Лиу Вен (90,98%), Кара Делевињ (89,97%) и Емили Ратајковски (89,37%). Последното место ѝ припадна на Наоми Кембел (89,26%).
