Технолошката компанија Proptech OS објави нов Индекс на паметни градови за 2024 година создаден по истражување и анализа на неколку фактори.
Што го прави градот паметен – дали е тоа иновативна зелена технологија, ефикасен јавен транспорт, одлични можности за вработување, силен фокус на одржливоста? Според најновиот Индекс на паметни градови од технолошката компанија ProptechOS, сите овие критериуми се вклучени во изборот.
Платформата анализираше сè, од пристапноста на Wi-Fi до бројот на дрвја, аеродроми и работни места во технологијата и го круниса новиот „најпаметен град“ за 2024 година.
Годинава тоа е Париз, а француската престолнина доби оценка 91,8 од 100 за поврзување и инфраструктура и 89,1 на технолошкиот пазар на труд, додека пак доби само 51,4 во зелената инфраструктура, па вкупниот резултат е 76,4.
Париз го престигна Лондон, победникот во 2023 година. Лондон падна на второто место со оценка 73,1, но постигна многу подобри резултати особено во зелената инфраструктура, со 63 во таа категорија. Третото место му припадна на Амстердам со вкупен резултат од 72,8, но импресивни 75,4 во зелената инфраструктура, највисока на листата.
Берлин беше четврти со 69, а Мадрид петти со вкупен резултат од 68,5.
Париз
Лондон
Амстердам
Берлин
Мадрид
Лисабон
Стокхолм
Луксембург
Даблин
Копенхаген
