Научници од Роспотребнадзор, руска федерална агенција и надзорно тело во јавното здравје, тврдат дека се први кои направиле микроскопска фотографија од британскиот сој на коронавирусот, пренесе Sputnik.
Државниот истражувачки центар Vector стана првиот во светот кој го фотографираше новиот сој на коронавирусот, изолиран од пациент во декември, 2020 година.
Фотографијата од вирусот под микроскоп е направена во текот на истражување на новиот сој на коронавирусот, вклучувајќи ги и структурните карактеристики и нивната експресија во клеточните култури и експерименталните модели со користење на лабораториски животни, стои во соопштението.
Руските научници тврдат дека развиле и ПЦР-тестови кои можат да го откријат новиот сој.
„Мутациите кои се карактеристични за британскиот сој на коронавирусот не влијаат на ефективноста на вакцината EpiVasCorona, која во себе содржи пептидни антигени кои се меѓу деловите на вирусниот протеин, а на кои влијаат промените откриени во вирусот“, се вели во изјавата.