Објавена првата голема временска прогноза за летото: Што нѐ очекува?

Макфакс
/ 24.03.2025 / 08:50

Пристигнаа првите долгорочни прогнози за летото 2025 година, а според анализите на метеоролошката служба Severe Weather Europe, Европа е во многу динамичен период. Летото може да започне со малку повеќе врнежи, но средината и крајот на сезоната носат посуви услови и поголем ризик од топлотни бранови.

Кога станува збор за сезонски и долгорочни прогнози, секогаш треба да се има предвид дека тоа се трендови, а не прецизни сценарија. Постојат многу глобални фактори кои можат да влијаат на временските обрасци. Сепак, овие први прогнози даваат поглед на тоа како би можело да изгледа летото.

Пред да се фокусираме на самата летна сезона, Severe Weather Europe анализираше што нѐ очекува во текот на пролетта, поточно во април, мај и јуни.

Тримесечната прогноза за аномалија на воздушниот притисок покажува дека над Западна и Северозападна Европа се развива област со низок притисок, што отвора простор за прилив на потопол и повлажен воздух од југ, особено од Медитеранот. Во исто време, поле со висок притисок се формира над Источна и Североисточна Европа.

Во таков распоред, поголемиот дел од континентот е под влијание на потопла воздушна маса. Западот има нешто поблаги температурни аномалии поради близината на циклонот, додека поизразени топлински вредности се очекуваат на исток и североисток.

Кога станува збор за врнежите, поголемиот дел од Европа очекуваат натпросечни врнежи, особено на запад и северозапад, додека Југоисточна Европа ќе биде посува, под влијание на антициклон. Севкупно, пролетта ќе заврши во жива атмосфера, пишува SWE, а постабилни временски услови се очекуваат кон средината и крајот на летото.

Severe Weather Europe носи ран поглед на моделот ECMWF за јуни – модел кој се покажа како еден од посигурните во сезонските прогнози.

Според првите карти, подрачје со низок притисок ќе опстојува над северниот дел на Атлантикот и Северозападна Европа, додека истовремено се очекува зајакнување на антициклонот кон исток и Скандинавија.

Овој распоред е поволен за западни и југозападни струи кон Централна Европа, што значи потопол воздух и зголемена влажност – услови кои често носат нестабилност и поизразени временски услови.

Температурите ќе бидат натпросечни низ поголем дел од Европа, а најтопли ќе бидат во Централна, Југоисточна и Северна Европа.

Во однос на врнежите, пообилни врнежи од дожд се очекуваат во западните и централните предели и во северозападните предели, додека југот и југоистокот ќе останат посуви.

Јули е типично најтоплиот месец во годината, а според моделите анализирани од Severe Weather Europe, ова може да биде особено изразено оваа година. Прогнозите покажуваат стабилен и силен антициклон кој се населува над Централна и Северна Европа – ова е т.н. систем за блокирање кој носи долгорочна стабилност, топлина и суша.

Топлинскиот вишок е најизразен во Централна и Југоисточна Европа, додека температури поблиску до просекот се очекуваат на крајниот север и југозапад.

Врнежите ќе бидат оскудни во поголемиот дел од Централна и Северна Европа, додека малку повеќе дожд ќе врне на крајниот север, на пример над делови од Велика Британија и Скандинавија.

Сè укажува дека јули може да донесе поизразени сушни услови и зголемен ризик од топлотни бранови, особено во Централна Европа.

Август, како последен месец на метеолошкото лето, честопати носи продолжување на горештините – а моделите на Severe Weather Europe укажуваат дека тоа ќе биде случај и оваа година. Високиот притисок ќе остане доминантен над Централна и Северна Европа, а топлотните бранови ќе продолжат. Областа со низок притисок на исток донекаде ги ограничува екстремните температури во тој дел од континентот.

Најголем топлински вишок се очекува во централните и северните делови на Европа.

Врнежите ќе бидат ретки низ поголемиот дел од континентот, а на крајниот север и исток можни се малку повеќе врнежи.

Severe Weather Europe донесува и анализа на канадскиот модел CANSIPS. Тој, исто така, предвидува доминантен висок притисок над Северозападна и Централна Европа. Ваквата позиција најчесто значи помал притисок над југот на континентот и Медитеранот.

Температурите ќе бидат натпросечни во поголем дел од Европа, а малку постудени само на крајниот исток каде преовладува северна струја. Врнежите ќе бидат потпросечни, особено во Централна и Северна Европа, додека на југ и на Медитеранот може да се очекуваат пообилни врнежи поради влијанието на низок притисок.

реклама

3 години и 6 месеци затвор за Стевчо Јакимовски, градоначалникот на Карпош

Read more

Бен Афлек го спушти синот на земја: Јас сум богат, а ти немаш скршена пара

Read more

Силен земјотрес во Турција

Read more

Голем љубовен хороскоп за мај: Врските ќе бидат ставени на тест

Read more

Свет

ЕУ: Ако не постигнеме договор со Америка за царините, ќе одговориме со контрамерки

Read more

Трамп го нападна Зеленски за неговите изјави за Крим: Заврши ја работата, ќе ја изгубиш целата земја

Read more

Зошто папата не може да биде донатор на органи?

Read more

Свириденко: Украина е подготвена за преговори, но не и за предавање

Read more
 

Вести

ЕУ: Ако не постигнеме договор со Америка за царините, ќе одговориме со контрамерки

Читај повеќе

Трамп го нападна Зеленски за неговите изјави за Крим: Заврши ја работата, ќе ја изгубиш целата земја

Читај повеќе

Зошто папата не може да биде донатор на органи?

Читај повеќе

Утре нестабилно време со врнежи и грмежи

Читај повеќе

Јакимовски: Пресудата е политички мотивирана

Читај повеќе

Мицкоски: Реформите во правосудниот сектор се најитни

Читај повеќе

Свириденко: Украина е подготвена за преговори, но не и за предавање

Читај повеќе

3 години и 6 месеци затвор за Стевчо Јакимовски, градоначалникот на Карпош

Читај повеќе

Американската пијанистка Клер Хуангчи ќе го отвори јубилејното 65-то Охридско лето

Читај повеќе