Huyndai на почетокот на март го претстави концептот Prophecy, а сега ги објави и новите фотографии и детали.
Дебитантскиот настап на концептот Prophecy беше скромен бидејќи Саемот на автомобили во Женева беше откажан, па Hyundai објави неколку статични фотографии.
И покрај тоа што е сличен на определени модели на Porsche, од Hyundai велат дека неговиот облик е инспириран од дизајнот на купе од 20-тите години на минатиот век.
Освен екстериерот, Prophecy има и импресивна внатрешност. Замислен е како автомобил кој користи автономни системи на возењето, но и овозможена мануелна контрола.
Наместо управувач - има два џојстика, а 90 отсто од системот на автомобилот се контролира со помош на копчиња на споменатите џојстици.
Prophecy има екран кој се протега на целата арматурна плоча. Што се однесува на погонот, познато е само дека е електричен.
Автомобилот е базиран на платформата E-GMP на Huyndai.