По веста дека Брус Вилис страда од афазија поради што се повлече од светот на филмот неговата сопруга објави заеднички фотографии на Instagram.
Ема Хеминг Вилис на Instagram сподели фотографии направени во шума, а на кои позира со сопругот Брус Вилис. Ова се први фотографии од актерот по веста дека боледува од афазија.
„Мама и тато на нивното омилено место“, стои во објавата.
По шпекулациите дека актерот поради болест се повлекува од актерството, веста за тоа ја потврди неговата ќерка Румер Вилис која соопшти дека Брус боледува од афазија поради што повеќе нема да може да глуми.
Афазија е состојба која може целосно да ја одземе способноста за комуникација, а може да биде предизвикана од мозочен удар или тумор во мозокот.