Фотографиите за Galaxy Watch 3 ни откриваат како би можело да изгледа новиот паметен часовник на Samsung.
Овие фотографии се појавија на веб-страницата NRRA за сертификација на производите во Јужна Кореја.
Дизајнот на новиот Galaxy Watch 3 ќе биде сличен на моделот кој беше претставен во 2018 година, но со многу подобри спецификации.
Се претпоставува дека паметниот часовник ќе биде испорачан во две големини - 45 и 41 мм, што одговара на екрани од 1,4 и 1,2 инчи.
Паметниот часовник ќе биде водоотпорен, ќе има уред за следење на работата на срцето, 1 GB RAM, 8 GB интерна меморија, батерија од 247, односно 340 mAh - зависно од големината на часовникот, пишува The Verge.