Колумбиската пејачка Шакира вчера го прослави 46-тиот роденден, а пред нејзината куќа ја пречека толпа обожаватели кои во еден момент ја расплакаа и таа излезе од куќата за да ги прегрне.
Шакира потоа ја гледаше насобраната толпа од балконот и ги поздравуваше додека ѝ пееја роденденски песни. Пејачката не можеше да ја тргне насмевката од лицето, а во еден момент изгледаше дека ќе заплаче.
Конечно, таа се симна од балконот и се придружи на толпата на улица и срдечно ги поздрави сите, а некои ги прегрна.
„Те сакаме“, воодушевено извикуваа фановите откако им се придружи убавата Колумбијка, а во еден момент таму се појави и маријачи бенд.
Шакира во својата куќа организирала и забава за своите пријатели, а на снимките од социјалните мрежи се гледа како пејачката расположена танцува со своите пријатели и гости.
Да потсетиме, Шакира минатиот месец го привлече вниманието на јавноста по објавувањето на песна во која зборуваше за неверството на нејзиниот партнер, фудбалерот Жерард Пике.
Песната предизвика бројни реакции, а оттогаш нејзините обожаватели често се собираат пред нејзиниот дом и пејачката во неколку наврати ги поздравувала од балконот.
