Ема и Ник купиле автобус, го преуредиле и почнале да живеат во него со својот син, кој тогаш имал 16 месеци. После тоа, Ема роди уште едно дете.
Ема Хил и нејзиниот партнер Ник купиле автобус од 1985 година и го претвориле во нивниот дом од соништата, каде што живееле со нивните две деца. Двојката од Австралија го купиле автобусот кога Ема била бремена со второто дете.
Ник направи и изработи сѐ сам, освен електриката, и се преселиле во автобусот кога постариот син Хадсон имал само 16 месеци.
„Автобусот беше во одлична состојба. Да, беше стар, но сѐ беше на место. На Хадсон навистина му се допадна. Имаше сопствено креветче сместено во неговата соба, огромно игралиште, кокошки за играње и велосипед. Ми се допадна таа едноставност. Беше како да почнуваме одново, како да се преселуваме во нова сезона од животот. Сакав да го родам моето второ бебе, Зак, во автобусот. Сепак, отидовме во болница и се вративме дома денот по раѓањето. Автобусот беше неговиот прв дом. Сепак, тоа беше премногу за мене тогаш. Требаше да размислувам како ќе успееме да воспитаме мало дете и новороденче во автобус“, вели мајката.
Таа додаде дека Зак првично спиел во лежалка/лулашка, а Хадсон во креветче, додека плакарот на Ник не го претвориле во креветче.
По шест месеци, Ник се вратил на работа, а Ема морала да го поминува поголемиот дел од денот сама со двете деца во автобусот. Таа вели дека потоа развила постпартална депресија.
Во тој момент, нивни пријатели им понудиле да преспијат кај нив и парт ја искористил приликата. Останале со пријателите од зимата до летото, а потоа се вратиле во автобусот со децата. Меѓутоа, за тоа време сфатиле дека животот ќе им биде полесен во куќа, па се преселиле од нивниот автобус.
Тие сега имаат трет син, а автобусот, кој Ема уште го опишува како нејзин „дом од соништата“, го изнајмуваат на Airbnb.