Од денеска се укинуваат ограничувањата за патувања меѓу Унгарија, Австрија, Чешка и Словачка, соопшти синоќа унгарскиот шеф на дипломатијата, Питер Сијарто.
Во видео обраќање на Facebook тој кажа дека шефовите на дипломатиите на другите три земји во телефонски разговор се согласиле границите да се отворат утринава во 8 часот, пренесе агенцијата МТИ.
„На граѓаните ќе им биде дозволено да ги минат границите без негативен тест за коронавирус и без задолжителниот карантин“, прецизира Сијарто.