Англискиот репрезентативец Рахим Стерлинг има лоша репутација на избувлив и не многу коректен играч. Ваквиот имиџ го потврди и на неодамнешното дерби меѓу неговиот Манчестер Сити и Ливерпул.
На големото дерби имаше неколку жестоки дуели, а еден од нив беше меѓу Стерлинг и неговиот колега од репрезентацијата на Англија Џо Гомез, од редовите на Ливерпул.
Двајцата се препираа на теренот, но нивните соиграчи и главниот судија ја смирија ситуацијата.
Но, приказната не заврши тука.
Стерлинг денеска призна дека „емоциите го надвладеале“ кога го фатил Гомез за врат во препирка што се случила во кантината на стадионот SGP на средба на репрезентацијата.
Стерлинг „агресивно реагирал на љубезното поздравување на Гомез“ кој му дошол одзади и се наведнал да му пушти рака. Напаѓачот на Сити го фатил за врат играчот на Ливерпул, а откако колегите сфатиле дека „Стерлинг изгубил контрола“ и дека „не станува збор за пријателски поздрав“, ги разделиле, објави The Daily Mail.
Поради овој инцидент, Стерлинг е суспендиран и нема да игра на мечот против Црна Гора во четврток, за квалификациите за Еуро 2020.
Стерлинг, кој порано играше за Ливерпул, се огласи на социјалните мрежи за инцидентот.
„Играме во спорт каде емоциите се на високо ниво и машки ќе признаам дека емоциите ме надвладеаја“, напиша тој на Instagram.
Фудбалската асоцијација на Англија вчеравечер излезе со соопштение во кое потврдува дека Стерлинг „нема да биде повикан за натпреварот во четврток за квалификациите за Еуро 2020 против Црна Гора, како резултат на недолично однесување во простории на стадионот. Стерлинг останува дел од репрезентацијата.“
Англискиот селектор Герет Саутгејт наводно разговарал со двајцата фудбалери посебно и побарал единство во националниот тим и тргање на клупските емоции на страна.