Крус Вуд е играчот изненадување сезонава во англиската Премиер лига.
Кариерата ја почна во родниот Нов Зеланд каде играше за Кембриџ, Хамилтон Вондерерс и Ваикато пред во 2009 година да се пресели на Островот во редовите на Вест Бромвич Албион.
Таму се изнамачи. Пред доаѓањето во Нотингем Форест играше за 11 различни клубови и 7 пати беше праќан на позајмици, едноставно тој каде и да отидеше за кратко стануваше непожелен.
Играч кој беше продаден од Вест Бромвич Албион во Лестер Сити за само 1 милион фунти затоа што неговиот тренер рече дека е премногу бавен и не може да се движи.
Потоа стана играч кој на 32 години беше продаден за 17 милиони фунти на Нотингем Форест, клуб кој двапати во својата историја го има освоено Купот на европските шампион.
Играше за Нов Зеланд на Мундијалот 2010, на Купот на конфедерациите во 2009 и 2017, како и на Олимпијадите 2012 и 2020.
Сезонава е еден од најдобрите напаѓачи во светот, најдобар стрелец на сите времиња за Нотингем Форест во Премиер лигата, а голови има даде на великаните Ливерпул и Манчестер Јунајтед.
Моментално е четврти најдобар стрелец во Премиер лигата со 14 голови, во конкуренција е за Златната копачка и еден од само седумте играчи во историјата на Премиер лигата кои постигнале хет-трик на Боксинг деј!
Стана првиот играч во историјата на Нотингем Форест кој ја освоил наградата за играч на месецот во Премиер лигата.
Статистиката вели дека денес е најдобриот напаѓач во Европа бидејќи сезонава претворените удари во гол му се со стапка од 34,2%.
За Нов Зеланд има постигнато 41 гол на 80 натпревари.
Приказната на Крис Вуд е она што нѐ тера одново да се заљубуваме во фудбалот, една од најсилните и најубавите успешни приказни во спортот.
