Уметникот Нина Никифорова собира ѓубре од Црното Море и од целиот отпад создава уметнички дела. Има цела галерија чија цел ѝ е да им укаже на луѓето од опасноста на загадувањето на морињата.
Модерната изложба се наоѓа во туристичкиот град Галенџик во рускиот дел од црноморското крајбрежје. Таму, Нина и нејзиниот сопруг Владимир изложиле повеќе од 1.000 уметнички дела, сите до едно направени од отпад извлечен од Црното Море.
На тој начин таа сака да упати на сериозноста од загадувањето на светските води, каде тони и тони отпад се собира.
Најголемо внимание привлекува оградата која е направена од 65 илјади пластични шишиња, сите собрани од Црното Море.
„Направивме ограда на која сите сме горди и која служи како потсетник на тоа како треба да се употребува пластичниот отпад. Верувам дека луѓето ќе земат пример од неа. Иако не секој влегува во нашата галерија, оградата јасно покажува како луѓето можат да ја користат пластиката без да ја загадат и да ѝ наштетат на природата“, вели Нина.
Никифорова е поранешна докторка која галеријата ја отворила уште во 2006 година.
„Претпоставувам дека мојата цел е да ги претворам овие предмети во убавина и да го хармонизирам просторот, да им покажам на луѓето дека мораме да се грижиме за планетата Земја. Еден од примерите за тоа како луѓето можат да го сторат тоа е да го претворат во уметност“, завршува таа.