Два убедливи порази на македонските одбојкарски репрезентации на Медитеранските игри во Алжир со што го завршија настапот без освоен бод.
Женската репрезентација со убедливи 3:0 загуби од соседна Грција во 3. коло од групата Б каде Македонија остана закована на последното место. Гркинките славеа со 25:18, 25:16 и 25:19 по сетови. Синоќа одбојкарите загубија со 3:0 од Тунис, а на отворањето со 3:1 од Египет.
Табела:
- Грција 9 9:0
- Тунис 3 3:3
- Египет 3 3:3
- С. Македонија 0 1:9
Одбојкарите по синоќешниот убедлив пораз од Египет (3:0) денеска очекувано потклекнаа пред силната Италија, губејќи со идентичен резултат. По сетови „Аѕурите“ славеа со 25:19, 25:16 и 25:23. Нашата репрезентација достоинствено го бранеше црвено-жолтиот дрес против силниот противник, но со овој натпревар сепак заврши нивното учество на Медитеранските игри во алжирскиот град Оран.
На овој натпревар капитенот Никола Ѓорѓиев беше најефикасен со 13 поени, Милев освои 7, Савовски 6, Маџунков 5, Костиќ 4, Илиев и Ѓорѓи Ѓорѓиев завршија со по 3, а шанса доби и Стефан Алексов, кој забележа 1 поен.
Табела:
- Италија 6 6:0
- Египет 3 3:3
- С. Македонија 0 0:6