Адвокатскиот тим на Шон „Диди“ Комбс тврди дека сите негови контроверзни забави биле консензуални.
Адвокатите, вклучително и почитуваниот Џо Такопино, веруваат дека оваа тактика може да игра значајна улога во разбивање на случајот, доколку оди на судење.
Имено, во клип од документарниот филм на TMZ, The Downfall of Diddy: His Defense, Такопина објаснува клучна правна стратегија што одбраната на Диди би можело да ја спроведе. Тој посочува дека најголемиот правен предизвик ќе се сведе на прашањето за согласност на сите инволвирани во овие настани.
„Ако сите биле согласни да учествуваат, тешко е да се зборува за трговија со луѓе“, рече Такопина, истакнувајќи дека трговијата со луѓе обично се поврзува со принудна сексуална работа, што тој тврди дека не е случај со Диди.
Такопина нагласува и дека клучна улога ќе има писмената документација, односно комуникацијата која докажува дека сите учесници биле согласни да учествуваат. Според него, ќе биде тешко да се побијат тврдењата за согласност, особено ако доказите се во писмена форма.
„Нема шанси некој подоцна да тврди дека се исплашил кога всушност се договориле“, заклучува Такопина, сугерирајќи дека случајот можеби не е толку едноставен како што изгледа на почетокот.
Како што се приближува судењето, Диди се соочува со нови обвиненија. Тужбата неодамна беше поднесена од анонимен маж кој тврди дека Диди сексуално го нападнал во 2022 или 2023 година. Според тужбата, човекот бил ангажиран како фотограф и асистент во продукција на снимање на реклама кога Комбс го поканил на неговата приколка. Во тужбата се наведува дека Диди барал орален секс, нудејќи ветување за напредок во кариерата во замена. Оваа средба беше опишана како бесрамна сексуална уцена, бидејќи на мажот му било јасно дадено дека неговата кариера ќе биде уништена доколку не се согласи.
Диди моментално е во затвор и ќе биде задржан до почетокот на неговото судење, закажано за мај 2025 година, кога ќе продолжи да се разгледуваат сите обвиненија против него.
