Земјата конечно постигна популарно признание за својот петти океан, со одлука на Националното географско друштво, така што Јужниот Океан околу Антарктикот беше додаден четирите веќе познати: Атлантски, Тихи, Индиски и Северен Леден Океан.
Иако означувањето на ладните води околу ледениот јужен континент како посебен океан започна пред скоро 100 години и е широко користено од научниците, досега немаше популарна поддршка.
Но, на 8 јуни - Светскиот ден на океанте – Друштвото соопшти дека отсега ќе го означува Јужниот Океан како петти океан на своите мапи на нашата планета.
„Научниците одамна го признаа Јужниот Океан, но бидејќи никогаш немало меѓународен договор, ние никогаш не го признавме официјално“, изјави официјалниот географ на Друштвото, Алекс Таит, за National Geographic.
Едно од најголемите влијанија би било врз образованието, тој рече: „Учениците учат информации за океанскиот свет преку океаните што ги учат. Ако не го вклучите Јужниот Океан, тогаш нема да ги научите неговите специфики и колку е важен“.
National Geographic започна да прави мапи во 1915 година, но Друштвото формално признаваше само четири океани, дефинирани од континентите со кои се граничеа.
Спротивно на тоа, Јужниот Океан не е дефиниран од континентите што го опкружуваат, туку од Антарктичката циркумполарна струја (ACC) што тече од запад кон исток.