Од таборот на македонскиот шампион официјално потврдија дека нема да се игра утрешниот натпревар со ПСЖ откако две лица добиле позитивен резултат на тестирањата за COVID-19.
Дека натпреварот нема да се игра навести и тоа што Вардар не отпатува за Париз во предвидениот термин денеска. Нормално, шпекулаците веќе и ја погодија причината, а тоа е дека се работи за позитивни.
„Причината за откажувањето на натпреварот е што тимот на Вардар 1961 пријави дека има членови позитивни на COVID-19 на последното тестирање. По консултациите со ЕХФ решено е натпреварот да биде одложен и закажан дополнително во друг термин“, соопшти клубот.
Иако клубот не потврди, информациите велат дека од двајцата позитивни еден е играч, а другиот тренер.
Ова е дури трет натпревар на Вардар сезонава во Лигата на шампионите кој се одложува. Претходно одложени беа и дуелите со Елверум и ПИК Сегед.
