Последните статистички податоци од целиот свет покажуваат дека се регистрирани 215.000 нови случаи на коронавирус, што претставува охрабрувачки пад во бројот на новозаразени во одност на претходните 24 часа.
Во „црната недела“ беше забележан рекорден дневен биланс и беа соопштени 230.000 нови случаи ширум светот, според Светската здравствена организација (СЗО).
Според податоците на СЗО, бројот на заразени во светот надмина 12,7 милиони, додека според американскиот Универзитет Џонс Хопкинс и сајтот Worldmeters таа бројка веќе надмин 13 милиони.
СЗО наведува дека бројот на потврдени случаи ширум светот заклучно со вчерашните сега изнесува 12.768.307.
Во изминатите 24 часа ширум светот од COVID-19 починале 5.037 луѓе.
Најмногу заразени има во Јужна и Северна Америка, каде бројката порасна за 129.657 и сега изнесува 6.669.879.
Во Европа се заразени 2.925.686 луѓе.
По земји, најмногу потврдени случаи на коронавирус има во САД - 3.225.950, а следат Бразил со 1.839.850, Индија со 878.254 и Русија со 733.699 заразени.
Статистиката на СЗО се заснова на официјалните податоци што ги доставуваат земјите членки на организацијата.