Ол-стар викендот во НБА започна со кошарка во нов формат откако Rising Star Challenge се играше турнирски.
Младите НБА ѕвезди го отворија Ол-старот, како што налага традицијата, но за првпат не се одигра еден натпревар, туку цел турнир на кој учествуваа четири екипи, а сето тоа е за одбележување на 75-годишнината од НБА лигата.
Четири екипи играа полуфинале и финале, а кошарка во полуфиналето се играше до 50 поени. Финалниот натпревар се одигра така што победи тимот кој прв стигна до 25 поени.
Во финалето се сретнаа екипите Тим Бери и Тим Ајзеја, а на крајот славеше тимот предводен од легендарниот Рик Бери од клупата со резултат 25:20.
Победниците на паркетот ги предводеше Кејд Канингем, кој беше прогласен и за МВП. Во финалето постигна 5 поени, 2 скока и 3 асистенции, а во полуфиналето 13 поени, 5 скока и 6 асистенции.
Во поразениот тим во финалето се истакна Прешас Ачиува, кој постигна дури 12 од 20-те поени на Тим Ајзеја.
Елиминирани во полуфиналето беа Тим Пејтон и Тим Ворти.
