На денешен ден, 8 февруари, во 1984 година беа отворени XIV Зимски олимписки игри во Сараево.
Кога Сараево ја доби кандидатурата за домаќин на Зимските Олимписки игри во 1984 година, стана првиот град во светот што го донесе овој голем спортски настан во социјалистичка земја.
Градот немал многу што да понуди освен снегот на околните планини и секако, вкусната локална храна. Секако, тука бил ентузијазмот на народот да се реалиираат Олимписките игри во овој град. Нови спортски објекти почнале да никнуваат како печурки низ градот и околината – 11 ски-лифтови го поврзувале Сараево со планините, со капацитет за превоз на 18.000 луѓе на час.
Не помина ни една деценија од ЗОИ 1984, кога Југославија ја зафати граѓанска војна. Четири години, од април 1992 до февруари 1996 година, градот Сараево беше под опсада, што значи дека спортските локации на кои спортистите некогаш се бореа за олимписки медали, станаа боишта на разни воени фракции.
По војната, олимписките локации беа напуштени и оставени да се распаѓаат. Денес се реликвија на едно минато што не е толку далечно за да буди толкава носталгија за едни подобри времиња.
