Омикрон сојот се смета за полесно пренослив, но и помалку опасен во поглед на тежок облик на болеста и потреба од хоспитализација.
Омикрон стана доминантна варијанта на коронавирусот во Германија и е одговорен за 73,3 отсто од сите случаи во земјата, што е повеќе од 44,3 отсто минатата недела, соопшти Институтот за заразни болести Роберт Кох (RKI) во вчерашниот неделен извештај.
Според RKI, делта варијантата, која долго време беше доминантна, моментално е одговорна за само 25,9 отсто од случаите.
„Во следните недели очекуваме големо зголемување на бројот на инфекции со варијантата омикрон“, соопшти Институтот, додавајќи дека „првичното истражување покажува помал дел од хоспитализацијата на оние кои се целосно вакцинирани отколку кога преовладуваше делтата“.
72% од Германците примиле две дози, 44% бустер
Околу 72% од германското население било вакцинирано со две дози, а 44% примиле трета.
Вчера Германија постави нов рекорд по број на новозаразени, дури 81.000 за еден ден, поради што кризниот штаб на владата предупреди на можна појава на недоволен капацитет на системот за тестирање.
