Компанијата OnePlus го претстави новиот смартфон под назив Nord CE.
Oзнаката CE е кратенка за Core Edition што е показател дека компанијата OnePlus се фокусира на клучни работи, а не на непотребни додатоци. Смартфонот ќе се продава во Индија и Европа, а ќе биде малку послаб модел од Nord.
Позади се наоѓа главната камера од 64 MP, ултрашироката од 8 и сензорот од 2 MP, додека напред е селфи камерата од 16 MP.
Уредот го движи Qualcomm Snapdragon 750G процесор со 6, 8 или 12 GB RAM. Го напојува батерија од 4.500 mAh која поддржува брзо полнење. За да се наполни од 0 до 70 осто од капацитетот, потребни се 30 минути.
Смартфонот доби 6,43-инчен OLED екран со резолуција од 1.080п и фреквенција на освежување од 90 Hz. Ќе биде достапен во три бои: сина, сребрена и црна.
За моделот со 8 GB RAM и 128 GB интерна меморија треба да се издвојат 329 евра, а за моделот со 12 GB RAM и 256 GB интерна меморија 399 евра.
На европскиот пазар ќе се појави и верзија со 6 GB RAM и 128 GB интерна меморија по цена од 299 евра.
