Софтвер

Опцијата Dark Mode стигнa и на Instagram

1. октомври 2019 - 9:12 | А.С.

Instagram е најновата во низа апликации на која беше активирана опцијата Dark Mode.

Ако користите BETA верзија на апликацијата Instagram, имате Android 10 на својот уред и користите системски Dark Mode, тогаш најверојатно веќе ја имате опцијата.

За жал, уште не можете да ја активирате сама по себе, но ако активирате Dark Mode за целиот систем и сте ги исполниле сите услови, ќе го гледате и Instagram во Dark Mode.

Опцијата Dark Mode за целиот систем може да ја нагодите следејќи ги овие чекори: Settings > Display > Advanced > Device Theme.

Со оглед на тоа дека станува збор за BETA верзија, ако активирате Instagram Dark Mode очекувајте можни грешки во интерфејсот или некои други пропусти кои не би требало да го нарушуваат користењето на апликацијата.

Коментирај