Можностите за брзо полнење на уреди значително се зголемуваат од година во година, а сега Oppo претстави нови достигнувања на ова поле.
Пред некое време корисниците беа задоволни со полнење од 30W, а сега опциите за полнење над 100W станаа норма за многу брендови на телефони.
Oppo сега ја демонстрираше својата претстојна технологија за полнење, со брзина од 240W. Според наводите, оваа технологија е способна целосно да ја наполни батеријата од 4500mAh за помалку од три и пол минути, додека за девет минути ја полни до 100 проценти.
Технологијата сè уште не е подготвена за комерцијализација, бидејќи компанијата работи на подобрување на работниот век и густината на батеријата.
За време на настанот Mobile World Congress 2022, Oppo исто така ја претстави својата најнова технологија за полнење од 150W. Компанијата истакнува дека новото полнење SuperVOOC од 150W ќе биде поддржано од Battery Health Engine. Брзиот полнач од 150W може лесно да наполни батерија од 4500mAh до 50% за само пет минути, додека се полни до 100% за 15 минути.
Поддршката за полнење SuperVOOC од 150W прво ќе се појави на претстојните уреди на OnePlus, кои се очекуваат во вториот квартал од оваа година.