Компанијата Oppo официјално го претстави својот нов флегшип.
Се работи за моделот Find X3 Pro, елегантен и моќен смартфон со необичен и уникатен дизајн. Овој уред е важен за Oppo кој неодамна го престигна Huawei и стана најголем бренд на кинескиот пазар на смартфони.
Најинтересниот визуелен елемент на овој смартфон е камерата која се крева од истиот дел од стаклото од кој е направен остатокот од задниот панел. Смартфонот изгледа како да е направен од течен метал.
Во модулот се сместени главната и ултраширока камера од 50 MP кoи користат Sony IMX766 процесор, а тука е и микроскопската камера од 3 MP. Телефото камерата има 13 MP со 2х оптички зум.
Find X3 Pro доби LTPO OLED екран со резолуција 3,216х1.440 пиксели со максимална светлина од 1.300 н и фреквенција на освежување од 120 Hz.
Уредот доби Qualcomm Snapdragon 888 процесор, 12 GB RAM и 256 GB интерна меморија. Го напојува батерија од 4.500 mAh која поддржува брзо 65W полнење и безжично 30W полнење.
Цените ќе бидат објавени наредната недела.
Читајте следно: Oppo го престигна Huawei и стана лидер на кинескиот пазар
