Унгарскиот премиер Виктор Орбан денеска во Москва се сретна со рускиот лидер Владимир Путин.
Орбан рече дека посетата е дел од мировна мисија и дека Москва е втората станица, откако неодамна го посети Киев. Една од темите на кои разговараа беше Украина.
„Бројот на земји кои можат да разговараат со двете страни во конфликтот брзо се намалува“, рече Орбан на средбата со Путин, додавајќи дека Унгарија наскоро, според сите сметки, ќе стане единствената земја во Европа која може да разговара со секого.
Како што јави РИА, Путин ќе го информира Орбан за деталите од предлогот на Москва за мирно решение во Украина, а очекува да ги дознае и деталите за унгарскиот план. Орбан оваа средба со Путин ја нарече посебна.
Во исто време додека траеше разговорот меѓу двајцата функционери во Кремљ, реагираа и голем број европски претставници, кои изјавија дека Орбан не ја претставува ЕУ во оваа посета.
