Леталото Orion на НАСА го собори рекордот што се однесува на оддалеченост од Земјата, а тоа го искористи за да направи фотографија од Месечината и нашата планета.
Станува збор за фотографија како онаа од мисијата Voyager 1 наречена „Pale Blue Dot“, а всушност претставува потсетник колку Земјата е мала планета во огромната вселена.
Orion направи фотографија на најголемата, засега рекордна оддалеченост на едно летало од Земјата, која изнесува 434.523 километри. Со тоа е согорен рекордот на мисијата Apollo 13, која достигна оддалеченост од 400.171 километри во 1970 година.
Мисијата Artemis 1 ги надмина очекувањата на НАСА, а веќе ја исполнува втората половина од своите активности меѓу кои се оние што се однесуваат на враќање на Земјата.
Се очекува Orion да падне во океан кај Сан Диего на 11 декември. Програмата Artemis беше погодена од низа одложувања, а според сегашните прогнози, луѓето треба да слетаат на површината на Месечината дури во 2025 година или 2026 година.
НАСА првично се надеваше за 2024 година, но тоа сепак не е возможно.
