Американската вселенска агенција НАСА успешно ја врати капсулата Orion, која во склоп на мисијата Artemis 1 патуваше околу Месечината.
Orion мина скоро 26 дена во мисија која заврши со приземјување на леталото во Пацифик, по влегување во атмосферата на Земјата. Станува збор за мисија без екипаж. НАСА планира посложена мисија за 2024 и 2025 година, со цел луѓето да се врата на месечината.
Пред 50 години луѓето за последен пат чекореа на Месечината, во склоп на мисијата Apollo 17.
Новиот проект на НАСА има поинаква цел, односно луѓето целосно да ја освојат Месечината, а потоа и Марс.
Сега следи детална инспекција на капсулата откако истата слета во близина на мексиканскиот остров Гвадалупе.
И ЕСА го следеше враќањето на капсулата, како партнер кој го обезбеди сервисниот и погонскиот модул што го придвижи Орион кон Месечината, околу него и назад на Земјата.
