Драги жени, дали ви се случило да почувствувате испуштање млаз воздух од вагиналниот отвор?
Оваа појава, позната како квиф (queef на англиски), може да се случи во прилично незгодни моменти: додека имате секс, на среде час по јога или за време на посета на гинеколог.
Тоа е неволна телесна функција што се јавува кога воздух што влегол во вагината е привремено заробен во вагиналниот канал, а потоа се ослободува.
„Квиф се случува кога пенисот, прстите или сексуалната играчка влегуваат и излегуваат од вагината со втиснување дополнително воздух во неа“, објаснува гинекологот Шери А. Рос.
Но, дури и несексуални активности, како што се ставање тампон или менструална чашка, вежбање јога или вметнување спекулум за време на гинеколошки преглед, може да доведат до ова „испуштање воздух“.
„Според моето искуство, скоро секоја жена доживеала барем една квиф епизода во текот на својот живот, понекогаш дури и за време на гинеколошки преглед“, вели гинекологот Дијана Хоп.
Додека гасот што излегува од вашиот ректум може да има непријатен мирис (резултат на бактериска активност во цревата), вагиналниот воздух нема мирис, додава докторката.
Најкраткиот можен одговор би бил - не.
Жените кои претходно родиле се особено склони кон ослободување воздух од вагината, бидејќи бременоста и породувањето може да ги ослабнат карличните мускули. Со зајакнување на тие мускули со Кегелови вежби можеби ќе можете да ја намалите веројатноста за појава на квиф епизоди, вели Хоп.
Таа исто така објаснува зошто жените главно се чувствуваат непријатно кога испуштаат воздух од вагината.
„Стигмата е резултат на неразбирање на разликата помеѓу квиф и испуштање гасови“, вели таа:
„Звуците можат да бидат исти, меѓутоа, културно може да има стигма или непријатност заради она што се случува таму долу“.
Сексуалната терапевтка Ванеса Марин го истакна фактот дека квиф епизодите се нормални и вообичаени и дека нема простор за засраменост.
„Нашите тела понекогаш испуштаат смешни звуци и тоа е во ред“, вели таа.
Во принцип, не е за што треба да сте загрижени. Но, иако тоа е ретко, ако испуштањето воздух од вагината е придружено со болка или непријатен мирис, треба да закажете преглед кај вашиот гинеколог за да исклучите посериозни проблеми.
„Ако квиф епизодата е придружена со непријатен мирис, тоа може да биде индикација за вагинална инфекција или можна фистула, абнормална врска помеѓу ректумот и вагината како резултат на претходно зрачење или операција што предизвикува излегување измет од вагината“, објаснува Хоп.