Скопје, 15 јули 2020 – Портпаролот на ДУИ, Бујар Османи, на прес-конференцијата рече дека ДУИ е задоволна од тоа тоа како се одвивал денешниот изборен процес.
-Ние сме задоволни и чекаме победа на овие избори. Од утре чекаме да почнеме преговори за формирање на нова Влада, а на другите партии им порачуваме да се обединат, рече Османи.
„Сега е време да се обединиме за доброто на граѓаните, за доброто на нашите деца и за доброто на нашата држава. Да се движиме напред заедно со првиот премиер Албанец, во коалиција со граѓаните“, заврши Османи.
„Очекуваме да бидеме клучен фактор во детерминирање на понатамошните политички чекори во државата“, додаде тој, одговарајќи на новинарско прашање.
Претседателот на ДУИ Али Ахмети е носител на кандидатската листа на партијата во шестата изборна единица, Талат Џафери во петтата изборна единица, во тројката носител е поранешниот министер за економија Беким Незири, во втората изборна единица министерот за образование Арбр Адеми и во првата изборна единица носител е партискиот потпретседател Изет Меџити.