Коценртот закажан за крајот на јуни во Скопје е откажан откако познатата музичка група всушност ја откажа целата турнеја во која беше вклучен и настапот во македонската престолнина.
Од Авалон продукција информираат дека долгоочекуваниот кончерт кој требаше да се одржи на стадионот на АРМ е дефинитивно откажан. „Placebo“ ги откажале сите настапи за оваа 2020 година поради пандемијата со коронавирусот.
„Драги наши,
Со жалење вe инфoрмираме дека концертот на „Placebo“ во Скопје закажан за 25 јуни на АРМ стадионот сепак нема да се случи, впрочем како и ниту еден концерт на „Placebo“ во рамки на нивната турнеја за 2020 година“, се вели во официјалното соопштение.
Од среда, 27 мај од 9 часот наутро ќе почне рефундурањето на купените билети и тоа од местото од каде што истите биле набавени.
Сепак, тоа не значи дека во иднина нема да биде договорен нов датум за гостување на популарните „Placebo“.
„Како и со сите турнеи, така и овде се работи на датуми и на нова турнеја за идната, 2021 година, па повеќе за тоа ќе се знае во средината на месец септември“, соопштуваат од Авалон.