На градилиште во Мексико, тим археолози откри нов град на древните Маи.
Археолозите открија урнатини на древен мајански град исполнет со палати, пирамиди и плоштади, на градилиште во мексиканскиот полуостров Јукатан. Градежните работи, кои се изведуваат благодарение на поддршката на Владата на Јукатан, овозможија потврда на постоењето палати источно од главниот плоштад. Според археологот Алфредо Барера Рубио, станува збор за конструкција со должина од околу 55 метри, 15 метри ширина и 6 метри висина.
„Мислиме дека ова живееле над 4.000 луѓе“, вели Карлос Пераза, еден од археолозите кој работи на ископувањето на градот, за кој се проценува дека бил населен од 600 до 900 година.
„Имало луѓе од различни општествени слоеви, свештеници, писари, кои живееле во тие големи палати, додека имало и обични луѓе кои живееле во мали згради“, вели Пераза.
Истражувачите лоцирале и гробови на возрасни и деца закопани со алати, прилози и други предмети.
Откриени се и остатоци од морски живот што сугерира дека луѓето освен со земјоделски производи исхраната ја надополнувале и со ловење риби покрај блискиот брег.
