Откриена причината за фаталниот судир на хеликоптерот со патничкиот авион над Вашингтон

Имаше некаков „проблем со надморска височина“ кога минатиот месец хеликоптер Black Hawk се судри со патнички авион American Airlines во близина на националниот аеродром „Роналд Реган“ во Вашингтон, при што загинаа 67 лица, изјави синоќа за Fox News американскиот секретар за одбрана Пит Хегсет. Тоа беше најсмртоносната воздушна несреќа во САД во повеќе од 20 години.

Истражувачите на Националниот одбор за безбедност на транспортот утврдија дека авионот CRJ700 бил на надморска височина од 300 стапки, со минимални отстапувања, во моментот на ударот, изјавија официјални лица претходно во февруари.

Ова сугерира дека воениот хеликоптер летал над 61 метар (200 стапки), максималната височина за рутата што ја користел. Пред неколку дена, претседателот Доналд Трамп на својата социјална мрежа напиша дека „хеликоптерот Black Hawk летал превисоко, премногу високо. Далеку над границата од 60 метри“.

Урнатиот Black Hawk бил дел од единицата за евакуација на американските службеници.