Honor на 10 јануари ќе го претстави својот нов смартфон на преклоп.
Станува збор за моделот Honor Magic V чиишто спецификации се откриени неколку дена пред официјалното претставување.
Ќе има 7,9-инчен внатрешен OLED екран со резолуција 2272х1984 пиксели, фреквенција на освежување од 90 Hz и формат 10,9:9.
Ќе го движи Qualcomm Snapdragon 8 Gen 1 процесор.
Колку што може да се забележи од тизерите, нема селфи камера на внатрешниот дел на екранот, но едната камера од 42 MP е сместена на надворешниот 6,45-инчен OLED екран. Станува збор за екран со фреквенција на освежување од 120 Hz и формат 21,3:9.
Што се однесува на задните камери, тука се три сензори од 50 MP вклучувајќи ја широката, ултрашироката и уште една недефинирана камера.
Magic V го напојува батерија од 4750 mAh која поддржува 66W брзо полнење. Ќе има 12 GB RAM и 256 или 512 GB интерна меморија.
Смартфонот на Honor ќе биде достапен во црна, бела со линии и портокалова боја.
Magic V ќе чини најмалку 2000 евра.
